ახალი საბაკალავრო პროგრამა |
 |
პროფ. სტივენ ნილის (დასავლეთ ინგლისის უნივერსიტეტი) ლექცია საბაკალავრო პროგრამის სტუდენტებისთვის
4 მარტი, 2011
ამა წლის 3-6 მარტს თბილისის სახელმწიფო უნივერსიტეტი მასპინძლობდა დასავლეთ ინგლისის უნივერსიტეტის (ქ. ბრისტოლი) პროფესორს, სტივენ ნილს. 4 მარტს, ბ-ნი სტივენ ნილი შეხვდა გამოყენებითი ბიომეცნიერებებისა და ბიოტექნოლოგიის საბაკალავრო პროგრამის სტუდენტებს და წაუკითხა მათ ლექცია თემაზე: „როგორ ეწინააღმდეგებიან მცენარეები გვალვასა და დაავადებებს“ ლექცია მოიცავდა მცენარეული ორგანიზმების დაცვით რეაქციებს სხვადასხვა გამღიზიანებელზე, კერძოდ, გაშუქებულ იქნა აზოტის ოქსიდის, როგორც ენდოგენური სიგნალის, წამყვანი როლი მცენარის ბაგეების გახსნა-დახურვის პროცესში. სტუმარმა აღწერა და ვრცლად ისაუბრა იმ პროექტებზე, რომლის შესრულებაში აქტიურად არიან ჩართული დასავლეთ ინგლისის უნივერსიტეტის სტუდენტები. გაიმართა დისკუსია თემის ირგვლივ. თსუ-ს სტუდენტები განსაკუთრებით დაინტერესდნენ მათი თანატოლების მიერ ჩატარებული ექსპერიმენტული სამუშაოებით და ამ კვლევითი საქმიანობის შედეგების პრაქტიკული გამოყენებით სოფლის მეურნეობაში.
 |
 |
 |
 |
 |
|
geo
